Posted in Mga Tula, Panitikang Filipino

Paglisan

Kapag ako’y lilisan, kamataya’y hahagkan
Katawa’y ilalim ng lupa na’ng maglululan
Ang mga alaala’y ‘wag sanang mapalitan
O kaya’y makidaloy sa pagbuhos ng ulan

Kapag ako’y lilisan, ang nais kong sambitin:
Ako’y ‘di mawawala sa inyong mga piling
Kayo’y nasa puso ko, ‘di na mapapalitan
Kahit kahapon, bukas, at magpakailan pa man

Kapag ako’y lilisan, ang nais kong hilingin
Kalooban ninyo ay ‘wag iwalay sa akin
Pagkat sa inyong buhay, ako’y bahagi pa rin
Wala na talagang mas hihigit pa sa atin

Advertisements